गुलमर्ग सुंदरी मी ,मीच सोनमर्ग परी
हिमराशींच्या सरी, नित्य माझ्या दारी
दैत्यहारी जटाधारी आहे माझा हरी
माझीया उदरात वसविली शिवपंढरी
होय मी कश्मीरी ,मी निसर्ग सुंदरी
मी सप्त सिंधु ..मी माता देवकी
सोशीते विरह कळा..मी देवी जानकी
माझ्याच अंगणात ,आज मी पोरकी
माझ्याच सदनात जाहले मी बंधकी
होय मी कश्मीरी ,मी जगत् सुंदरी...
मी झेलम, मी खळाळती लंबोदरी
जाहले मी आज, उध्वस्त अवंतीपुरी
आजवरी आनंदे झेलील्या हिमसरी
झेलते मी आज,जहरी बंदुकांच्या फैरी
होय मी कश्मीरी,मी हिमसुंदरी
मी निसर्ग सुंदरी, मी विश्वसुंदरी
मी केशर कस्तुरी, मी स्वप्न सुंदरी
ये ईथे तू ,ऐक माझी व्यथा सारी
दे पुनश्च मजला, ती दुनीया न्यारी
होय मी कश्मीरी,मी नित्य नवसुंदरी !!!
©ब्रम्हा पुजारी
No comments:
Post a Comment